Aktivitetar som begrensar seg til ein dag, men som kan bli arrangert fleire dagar.

Program for Naturfestivalen 2010
(programmet blir oppdatert)

Laurdag 31. juli

Offisiell opning av Naturfestivalen i Vikegata, Ørsta sentrum
Naturfestivalen sin stand opnar kl 10.00
”Orienteringsløp” i Ørsta sentrum. Utdeling av oppgåver frå Naturfestivalen sin stand i Vikegata mellom kl 10.00 og 10.45. Løypa går gjennom sentrum og passar for både store og små. Lær meir om Ørsta og få ein fin tur på kjøpet! Innlevering av utfylte oppgåveark skjer på same staden. Alle rett utfylte ark som vi får inn før kl 12.00 vert med i trekninga av flotte gåvepremiar.

Sommarkonsert med Noregs Musikkorps Forbund
Vikegata frå ca kl 11.00

Sport1 sprinten for barn
Påmelding ved ØIL sitt klubbhus frå kl 11.00. Start 11.40
2 km sentrumsløype som endar i Vikegata. Aldersgrense: 4 - 10 år. Ingen 3-hjulssyklar.
Medalje til alle deltakarane. Påmelding kr 50,- Arrangør: Ørsta Sykkelklubb v/ Erlend Andresen

Talar og offisiell opning av Naturfestivalveka ca kl 12.00 i Vikegata

Oppvisning i akrobatikk
Rett etter opninga vart det oppvisning i Vikegata ved deltakarane på Naturfestivalen sitt akrobatikkurs.

Premieutdeling for deltakarane i rebusløpet

Kultur i fri dressur frå Leira til Bjørke
Spennande dagstur med turleiar Jonny Finnes. Vi kjem til Leira sjøvegen og går over åsen til Bjørke. M.a. besøkjer vi Bjørke Kyrkje, jettegryta, Pillar Guri, Jåbuda. Det vert fiskesuppe i Notanaustet. Vi ser den nye tida kome med Leira-tunnelen og Kvivstunellen.
Buss frå Ørsta kl 09:15 kr 50,- MS Hjørundfjord frå Sæbø (max 36 pers) kl 10:00 kr 200,-
Buss frå Bjørke kl 17:00 kr 100,- Påmelding info@orstainfo.no tlf. 70 06 85 18 seinast 30. juli



Dagsarrangement søndag 1. august

Tur til Vasstøylen og Kvamsedalen
Oppstart kl 10.00 I Kvistadalen. Vegvisarar vert Helge Nordang og Ivar Svein Mo. Det er ein heller lang tur. Ha gode sko og ta med klebyte, niste og drikke. Frå Kvamsedalsbrunene er det nydeleg utsikt til Viddal, Leira, Bjørke og Finnes. Gratis tur. Ikkje påmelding. Arrangør: Hjørundfjord kulturvernlag


Dagsarrangement måndag 2. august

Tokt med MS Hindholmen til Runde Miljøsenter
Bli med oss på ein flott tur til øyriket vest for oss. Vi dreg på tokt med ein heilt spesiell båt, MS Hindholmen med plass til 60 personar. Meld på deg og familien for å sikre deg plass på denne spesielle turen! Oppmøte ved Kaihuset i Ørsta sentrum kl 11.00. Veteranskipet MS Hindholmen brukar ca 3 timar på turen til Runde. Her får vi vitje Runde miljøsenter der det vert omvisning og nydeleg fiskesuppe. Det vert foredrag av Olav Runde om temaet fuglar og fuglefjellet. Billettprisen er kr 450,- for vaksne og kr 200,- for born t.o.m 12 år. Dette dekkjer både båttur, mat og foredrag. Påmelding info@orstainfo.no eller tlf. 70 06 85 18 seinast 30. juli.

Familietur til Eikå
Fin ettermiddagsvandring langs den gamle grusvegen gjennom skogen over øya. Passar også for barnevogner. Oppmøte på parkeringsplassen ved tunnelopninga kl 16.00. Gratis. Ikkje påmelding.

Stokkehornet
Dette er måndagsturen til trimgruppa på Sæbø.
Flott utsikt over fjell og dalar. Start frå Stokke-sida av Frølandsdalen (bomveg) kl 18.00. Gratis tur. Ikkje påmelding. Arrangør: Trimgruppa på Sæbø v/ Bodil Skare

Fiskedag i Ørstaelva for born og ungdom
Kl 17.00 - 20.00 Fiske på Ose i Ørstaelva. Oppmøte: Laksetunet på nedsida av Osbrua.
Ta med eige fiskeutstyr, kan også lånast hos Ø.J.F.F. Opplæring og rettleiing. Etter fisket vert det sosialt samvær og grilling på Laksetunet. Bruk flytevestar til dei minste. Born og ungdom under 16 år, gjerne med føresette, er velkomne. Gratis. Ikkje påmelding. Arr: Ørsta Jeger og fiskarforeining v/Per Bjerke


Dagsarrangement tysdag 3. august

Den store overgangsturen
Båttur på Hjørundfjorden til Finnes, deretter fottur til Bakkedalssetra og Rognestøylen.
Kl 09:15: Buss frå Ørsta kr 50,- Kl 10:00 MS Hjørundfjord frå Sæbø (max 36 pers) kr 200,-
Kl 16:00: Underhaldning og sal av brennsnut og kaffi på Bakkedalssetra
Kl 18:00: Buss frå Sledalen kr 50,- Påmelding info@orstainfo.no eller tlf. 70 06 85 18 seinast 2. august.
Arrangørar: Sjåstaddalen frilynde ungdomslag og Jonny Finnes.

Sykkeltur rundt Dalsfjorden.
Oppmøte Ørsta Rådhus kl 16:30 eller kl.17:10 på Volda Ferjekai.
Ferje til Lauvstad 17:20 Roleg tur rundt Dalsfjorden, ca 40 km til Folkestad der det bli ferje attende til Volda. Fott natur, få bakkar og asfaltdekke heile turen.
Gratis, men hugs ferjepengar. Ikkje påmelding. Arrangør: Ørsta Sykkelklubb v/ Erlend Andresen

Seniortreff i Skåla
Vi møtest ved vassmagasinet kl 16.00 og går ilag til 3. vasshus. Der fyrer vi opp i omnen og serverer god gammaldags kaffi med nogo attåt. Dersom du har lyst å vere med, men ikkje klarar å gå, kan du få skyss heilt til toppen. Gratis. Ikkje påmelding. Arr: Skålavener


Dagsarrangement onsdag 4. august

Tur til Skinnvikdalen
Austefjord Bygdekvinnelag er på sætra sel sveler og anna godt frå kl 12.00. Ein markerer også ”havren sitt år. Kl 13.00 vert det arrangert tur til Kredevatnet – ein lett familietur på ca éin time kvar veg.
For nå kome til Skinnvikdalen køyrer du ca 2 km frå Fyrde mot Høydalen. På Høgset er der ein bomveg nesten heilt fram til sætra. Gratis. Ikkje påmelding. Arrangør: Austefjord Bygdekvinnelag

Aktivitetsdag på Ytre-Standal
Det skjer mykje spennande på Ytre-Standal gjennom heile dagen. På parkeringsplassen ved brua vil det frå kl 11 vere folk som orienterer om dei ulike aktivitetane og turane. Her kan ein også melde seg på. Det er lokalkjend guide med på alle turane. Arrangør: Stavset og Ytre-Standal grendelag

Velg mellom desse tre fotturane som alle startar kl 12.00:

Til fjels – Hauén og Molladalskaret
Først grusveg og vidare sti til hovedsetra på ”Hauén” 3 km framme i Ytre-Standal. Om vêret er godt, går vi vidare til Molladalskaret. Vi reknar ein god time fram – stopp på sætra for rast og rolig gange ned att – i alt 2-3 timar. Gratis tur.

Midt i dalen – Kagebakken
Vi går langs god grusveg til den vesle setra Kagebakken midt i dalen. Setrebygget er autentisk restaurert av Ragnar Standal. Etter ein rast går vi ned att langs elva på motsett side. Heile turen tek ca 2 timar. Gratis tur.

Langs fjorden – Hjellane
Vi går ut langs den gamle rydda vegen oppe i strandsida mot Ysteneset og den vesle setra Hjellane. Det vert høve til å krysse elva og gå heilt ut til Årneset. Turen tek alt i alt tre timar med god rast og forteljingar undervegs. Gratis tur.

Historie og gardsdrift på Ytre-Standal: Gardsvandringar kl 13.00 og kl 15.00
Gardsvandring på Ytre-Standal med tilhøyrande historiske byggverk. Få lære om bygda si utvikling gjennom kriser og oppgangstider. Roleg rusletur på ca 90 minutt. Det vert mellom anna lagt vekt på geitehaldet. Geitene har lova å stille opp for klapp og kos! Gratis.

Industri: Omvisning på Marine Harvest settefiskanlegg
På parkeringsplassen ved brua kan du melde deg på omvisning i eit produksjonsanlegg for smolt. På Marine Harvest si avdeling på Ytre-Standal er det produksjon av yngel og settefisk i ferskvassbasert akvakultur.
Første omvisning startar kl 12.00, deretter kl 14.00. Ved mykje pågang set vi opp ekstra omvisningar. Kom gjerne med førehandspåmelding til info@orstainfo.no eler tlf 70 06 85 18. Gratis.

Fiske: Småsei og krabbe
Prøv fiskelukka frå kaia og langs stranda nedanfor gardane på ”eigahand”. Ta med fiskestang.

Film og bilete: Ytre-Standal – liv og lagnader
Det vert film (1943 – 1969) frå grenda og bildevisning ”non stop” denne dagen i Nilsgardsløa for den som vil sjå og lære meir.

Noko å bite i: Det vert ”open låve” med enkel servering.

Familietur til Dalsvatnet i Bjørdalen
Passar for alle – tilrettelagt for både barnevogn og rullestol. Felleskøyring frå Prix på Ose kl 18.00. Arrangør: Trimgruppa i ØIL. Gratis. Ikkje påmelding.



Dagsarrangement torsdag 5. august

Aktivitetsdag på Bjørke med kulturminneløype og open kunst- og hand-verkskafé: Kunst- og handverkskaféen på Bjørke held ope frå kl 11.00 til kl 19.00

Guida føremiddagscruise på Hjørundfjord og kulturminneløypa på Bjørke
Møt opp på Sæbø kl 10.00. Det ligg MS Hjørundfjord og ventar. Guide om bord i båten fortel om det vi ser innover mot Bjørke. På Bjørke skal vi gå den 3 km lange Kulturminneløypa og få høyre meir om både historie og notid i Storfjorden. Vi går inn i Jodbuda, Tingstova og Tuestova, og ser på naustrekkja, kvernhusa m.m. Det vert også ein tur innom kunst- og handverkskafeen før MS Hjørundfjord tek oss attende til Sæbø. Kirsti Hansejorde Skauge er med som guide på heile turen. I tillegg samarbeidar vi med Sjåstaddalen Frilynde Ungdomslag og Hjørundfjord Sogelag. Pris kr 300,- inkl båtskyss tur/retur. Påmelding til 70 06 85 18 eller info@orstainfo.no seinast onsdag 4. august.

Ettermiddagstur rundt kulturminneløypa på Bjørke
Oppmøte og parkering på Brusletten. Vi går den 3 km lange Kulturminneløypa og få høyre meir om både historie og notid i Storfjorden. Vi går inn i Jodbuda, Tingstova og Tuestova, og ser på naustrekkja, kvernhusa m.m. Før eller etter vandringa kan ein besøke kunst- og handverkskafeen på Bjørke. Vi sanarbeidar med Hjørundfjord Sogelag.
Arrangør: Sjåstaddalen Frilynde Ungdomslag. Pris kr 80,-. Ingen førehandspåmelding

Den store rundturen – Ein smakebit av Sunnmøre
Sæbø-Norangsdalen-Fivelstadhaugen-Kårdalstindane-Leira-Bjørke-Sæbø
Ein rundtur som har ein bit av alle ingrediensane Sunnmørsalpane og Hjørundfjorden har å by på, og etter ein lang dag har du opplevd noko det til vanleg vil ta fleire dagar å få med seg!
Ferje frå Sæbø 08.15. Buss frå Leknes til Fivelstad. Frå Fivelstad går turen vidare til fots opp Urbakkjen og på fjellet Blæja (1420 m.o.h). Derifrå går vi sørover i eit dalsøkk for så å gå opp mot Kårdalstindane 1490 m.o.h. med fantastisk utsikt over m.a. Hjørundfjorden og Sunnmørsalpane. Turen går så nordover mot kanten av Holshornet og Årvikstindane i nærleiken av den skarpe tindenåla Vår Herres Skosyl. Vidare til Kårdalen mot Sellereite og Leira. Det vert ordna skyss gjennom Leiratunnelen til Bjørke, der nye overraskingar dukkar opp på den populære Kunst- og Handverkskafeen. Avreise frå Bjørke ca kl 18.30 med skyssbåten MS Hjørundfjord.
Dette er ein tung tur som krev gode sko og dagstursekk med ekstra skift, ytterklede, niste og drikke. Tek ein med hund, skal han vere i band.
Turleiarar vert Jarle Myklebust (tlf 91648260), Even Holte og Hildegunn Mork.
Pris, inkludert buss frå Leknes til Fivelstad og båt frå Bjørke til Sæbø, kr 400,- per pers. Betaling direkte til turleiarane ved start. Påmelding til 70 06 85 18 eller info@orstainfo.no seinast tysdag 3. august.

Open dag på Brudevoll Gard
Besøk dyra og opplev naturen på Brudevoll Gard. Det vert høve til å ri på hest og til å køyre med hest og vogn. Aktivitetane er tilrettelagt for rørslehemma og born, men alle er velkomne. Det vert sal av mat på Brudavolltunet like ved. Kl 15.00 til 19.00

Kulturvandring til Brekkeheida
Historierik familietur på Hellevegen til Brekkeheida med turvert Jostein Mo.
Frammøte på Brudevollen kl 17.00. Godt skotøy. Dagfinn Nupen blir også med og fortel om Fjella sine instrument. Gratis. Ikkje påmelding. Arrangør: Jostein O. Mo og Trimgruppa i ØIL



Dagsarrangement fredag 6. august

Aktivitetsdag i Bjørkedalen

Rundtur på Bjørkedalsvatnet med historieforteljing
Prøv å ro eit ekte vikingskip på Bjørkedalsvatnet, og finn ut meir om dei gamle båtbyggjartradisjonane.
Vikingskipa ligg ved brygga. Ein kan kome mellom 14.00 og 16.00. For å kunne prøve å ro vikingskipet må det vere minst 6 deltakarar. Pris er kr 100,- per person . Arrangør: Jakob Helset

Topptur til Bytingsting
Bytingstindligg 1260 moh i eit spennande fjellmassiv mellom Dalsbygda, Kile og Bjørkedalen. Flott og luftig på toppen. Oppmøte ved Båtsamlingane i Søre-Bjørkedal kl 10. Frå E39 er det skilta stil skytebana, køyr 500 meter vestover og parker ved båtsamlingane (vis omsyn når du parkerer). Turen opp tek om lag 3 timar frå sætrevegen.
Ta med varme klede, mat og drikke. Etter turen møtest vi på vertshuset LivElida!
Med på turen vert Hildegunn Mork og Liv-Ingunn Sætre. Gratis tur. Ikkje påmelding.

Vertshuset LivElida i Bjørkedalen held ope frå 12 og til langt på natt
Bacalao, vafler, gjærbakst og mykje anna godt! Arrangør: Wenche Helset

Familietur til Olavshola
Turen passar for dei over 5 år og tek ca 1 time. Spidding av pølser på bål ved hellaren. Oppmøte ved fabrikken rett over Hustad bru på Sæbø. Start kl 15.00. Arrangør: Trimgruppa på Sæbø v/ Bodil Skare. Gratis tur. Ikkje påmelding.

Fotokonkurranse, tandem paragliding, småbåttreff og stjernenetter på Kometland: sjå side 2


Dagsarrangement laurdag 7. august

Gratis frukost i Vikegata
Gratis frukost på langbord i Vikegata. Triveleg og sosial møteplass. Tidspunkt: kl 10.00-12.00
Arrangør: Butikkane i Ørsta sentrum

Saudehornet rett opp
Motbakkeløp med start i Ørsta småbåthamn. Start mosjonsklasse kl 08.00, konkurranseklasse 11.00.
Startkontingent: konkurranseklasse kr 300,- , mosjonistar kr 150,-.
Familie, max 4 personar: kr 400,- (gjeld berre mosjonistar).
Eige barneløp til for dei som er fødde i år 2002 eller seinare: kr 100,-
For meir informasjon og påmelding, sjå www.saudehornet.no Arrangør: Saudehornet rett opp.

Salsmesse, småbåttreff i Ørsta småbåthamn, mat og drikke
Arrangør: Ørsta Småbåtlag og Saudehornet rett opp

Familieklatredag på Kyrkjesteinen i Skorgeura
Naturfestivalen utvidar tilbodet på dette tradisjonelle arrangementet. I år er tiltaket ein del av Friluftsrådet sitt Prøve på UNG prosjekt og saman med Sunnmørsk Klatreklubb blir det i år enda fleire moglegheiter å klatre og utforske på kyrkjesteinen. Sunnmørsk Klatreklubb vil og informere om sitt tilbod til barnefamilier og ungdom! Nytt høve og kom!
Tidspunkt 1100-1500. Følg merka sti frå parkeringsplassen ved Lystad skule. Pris: kr 50.- i utstyrsleige for den som vil klatre. Arrangør: Sunnmørsk Klatreklubb og Friluftsrådet for Ålesund og omland.

Premieutdeling Saudehornet rett opp
Ørsta Småbåthamn kl 17:00

Dans på Ørsta Småbåthamn med bandet Living Earth
Frå kl 21:00



Dagsarrangement søndag 8. august

Føringstur til Kolåstinden
Pris: kr 750,- Deltakarane får tilsendt meir informasjon om turen. Avgrensa plassar – det løner seg å vere tidleg ute med påmelding. Påmeldingsfrist: 1 august. Påmelding: info@orstainfo.no eller tlf. 70 06 85 18.
Arrangør: Friluftsrådet for Ålesund og omland

Ørstarittet 2010, nasjonalt landevegsritt
Frammøte: ved klubbhuset til Ørsta Idrettslag. Felles start for alle klasser: kl 12.00
Trimklasse: Rundt Follestaddalen og retur til start. Kort løype: 25 km.
Konkurranseklasse: som trimklasse, men etter Follestaddalen går ferda vidare til Sæbø. Retur til Åmdalen over Krøvelseidet - Volda sentrum – Berkneset – Ose – Melsvegen – Åmdalen – tilbake til start. Dette er ei krevjande løype på 105 km og meir enn 1000 høgdemeter. Sjå heimesida www.orstasykkelklubb.no
Påmelding e-post: andemas@online.no

Pilegrimsvandring til Olavskrossen på Kile
Kl. 12.00 Start ved fremste brua på Kile. Brit Aanning Aarseth viser veg. Vi går langs Nedstevatnet. Får høyre om kong Pibe av Kile som kom i strid med kong Olav. På vegen opp til Krossen passerer vi Brudehilla. Ved Olavskrossen vert det forteljingar om Olav den Heilage og hans kristningsferd gjennom Kile og Bjørkedalen. Vi drikk helsebot frå Olavskjelda der det også vert utdeling av pilegrimsbrev for vandringa til Olavskrossen. Vidare til Gullbrekka og Vassenden ved Bjørkedalsvatnet. Vi får høyre soga om storebåtvogna som er plassert i vognhuset ved Bårdneset og vi får høyre soga om den fråflytta garden. Fredsskipet ”Embla” møter oss, og det vert høve for den som vil til å prøve å ro litt. Rutebuss tek oss tilbake til Kile kl 14.50.
Pris kr. 50,- vaksen/barn gratis. I tillegg kjem bussbilletten. Ikkje påmelding. Tak med mat og drikke.

Vertshuset LivElida i Bjørkedalen held ope frå 14.00


På alle våre fjellturar er det viktig å ta på seg høveleg skotøy og ha med seg nok tøy og niste.
Tenk alltid gjennom eigen tryggleik og vis respekt for naturen sine krefter!